home / worship / catholic prayers

Panalangin kay Hesus na Mabuting Pastol Para sa Mga Obispo at Mga Pari

O Hesus, Mabuting Pastol, ikaw ang ganap na larawan at katuparan ng pangako ng Diyos noon pa mang una sa Kanyang Bayang Israel: “Bibigyan ko kayo ng mga pastol sunod sa aking puso” (Jer. 3:15). Pinupuri at pinasasalamatan namin ang Panginoong Diyos para sa iyo, ginigiliw naming Hesus, sapagkat sa iyo na Kanyang Bugtong na Anak, aming nasumpungan ang tunay na pastol sunod sa Kanyang puso. Matiyaga mong itinuro sa amin ang Katotohanan tungkol sa Diyos, pinanguluhan mo kami sa Daan tungo sa Diyos, at binigyan mo kami ng Buhay ng Diyos. Sa iyong kamatayan sa krus, ipinagkaloob mo ang iyong sarili sa amin—kahit pa nga kami ay makasalanan—ng sa gayon kami ay iyong mailigtas mula sa mga kuko ng kasalanan at kamatayan, at mabuksan para sa amin ang landas tungo sa buhay na ganap. Sa iyong muling pagkabuhay, ibinangon mo kami mula sa aming pagkakalugmok, nilikha mo kaming muli, binigyan ng bagong diwa, at ginawa mo kaming mga anak ng Diyos.

O Hesus, mahabaging pastol, mapagmahal at laging tapat, kami ay lumalapit at mataimtim na nanalangin sayo para sa iyong pari at hinirang na pastol na si __________________________. Hinihiling naming basbasan mo siya ng iyong nakapagpapanatili at nakapagpapagaling na presensya. Buhayin mo siya sa iyong pag-ibig, liwanagan at gabayan mo siyang lagi ng iyong karunungan, at patatagin mo siya sa iyong tapang at lakas. Sa sigasig na nagmumula sa Banal na Espiritu, panatilihin mo siyang laging tapat sa pagsasabuhay ng kanyang tawag bilang pari at lingkod mo, mapagkumbaba at tapat, matiyaga at masunurin, mahinahon at may magandang loob. Pagkalooban mo siya ng mga tunay na kaibigan, mga kapatid sa pamayanang sumasampalaya sa iyo na mananatiling tapat upang siya ay samahan at tulungan sa mga panahon ng kalungkutan at kagalakan at sa kanyang pagsusumikap na makatugon ng lubos sa kanyang natatanging bokasyon at buhay-laan sa Iyo at sa Yong Bayan. Nawa ay matagpuan niya ang tunay na kagalakan at kaligayahan sa buhay nya bilang pari, matuklasan niya sa kanyang pagpapahayag ng yong pangalan at kaharian “ang perlas na halagay di mapapantatayan,” makamtan nya ang kaganapan ng kanyang pagkatao sa paglilingkod na di mapaghanap at lubos pagkakaloob ng sarili para sa yong Simbahan, Gawin mo syang banal, O Panginoon; madasalin at mapagnilay. Huwag mo syang hayaang maligaw ng landas o masiraan ng loob sa mga panahon ng pagsubok at pighati, manapay panatililihin mo syang laging tapat at totoo. O Mabuting Pastol, basbasan mo si _____________________ ang iyong pari’t-pastol, at tulungan mo syang mamalaging isang “pastol sunod sa iyong puso.” Amen.

Ama Namin… Aba Ginoong Maria… Luwalhati sa Ama…

This prayer is composed by Msgr. Jesus Romulo C. Rañada for the Good Shepherd National Shrine Movement.

My Commitment

I, ___________________________________________, commit myself to pray daily for ________________________________________, a priest of Jesus Christ, anointed by him to serve his flock as a shepherd—with a heart like his own—ever faithful to God and his people.

In making this commitment I realize the importance of praying for priests, for their sanctification and well-being, for their sake and for the sake of the Church. I also realize that though seemingly small, this daily prayer I make for this particular priest is nonetheless significant and serves as my own personal contribution and love offering towards making the Church of Jesus Christ, our Good Shepherd, truly One, Holy, Catholic, and Apostolic forever.